ויקד האיש וישתחו ליהוה׃

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

ויהי כאשר שמע עבד אברהם את דבריהם וישתחו ארצה ליהוה׃

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

ובתואל ילד את רבקה שמנה אלה ילדה מלכה לנחור אחי אברהם׃

והזהרתה אתהם את החקים ואת התורת והודעת להם את הדרך ילכו בה ואת המעשה אשר יעשון׃

ואקרא שם צום על הנהר אהוא להתענות לפני אלהינו לבקש ממנו דרך ישרה לנו ולטפנו ולכל רכושנו׃

אשכילך ואורך בדרך זו תלך איעצה עליך עיני׃

כי זה אלהים אלהינו עולם ועד הוא ינהגנו על מות׃

וידריכם בדרך ישרה ללכת אל עיר מושב׃

בטח אל יהוה בכל לבך ואל בינתך אל תשען׃

בכל דרכיך דעהו והוא יישר ארחתיך׃

בדרך חכמה הרתיך הדרכתיך במעגלי ישר׃

כה אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך׃