ויאמר יהוה אלהי אדני אברהם הקרה נא לפני היום ועשה חסד עם אדני אברהם׃

ויאמר ברוך יהוה אלהי שם ויהי כנען עבד למו׃

וברוך אל עליון אשר מגן צריך בידך ויתן לו מעשר מכל׃

ויאמר יתרו ברוך יהוה אשר הציל אתכם מיד מצרים ומיד פרעה אשר הציל את העם מתחת יד מצרים׃

ותאמרנה הנשים אל נעמי ברוך יהוה אשר לא השבית לך גאל היום ויקרא שמו בישראל׃

ויאמר דוד לאביגל ברוך יהוה אלהי ישראל אשר שלחך היום הזה לקראתי׃

וישמע דוד כי מת נבל ויאמר ברוך יהוה אשר רב את ריב חרפתי מיד נבל ואת עבדו חשך מרעה ואת רעת נבל השיב יהוה בראשו וישלח דוד וידבר באביגיל לקחתה לו לאשה׃

ויקרא אחימעץ ויאמר אל המלך שלום וישתחו למלך לאפיו ארצה ויאמר ברוך יהוה אלהיך אשר סגר את האנשים אשר נשאו את ידם באדני המלך׃

ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם׃

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

ברוך אדני יום יום יעמס לנו האל ישועתנו סלה׃

ברוך יהוה אלהים אלהי ישראל עשה נפלאות לבדו׃

וברוך שם כבודו לעולם וימלא כבודו את כל הארץ אמן ואמן׃

ברוך יהוה אלהי ישראל כי פקד את עמו וישלח לו פדות׃

ברוך הוא האלהים ואבי אדנינו ישוע המשיח אשר ברכנו בכל ברכת רוח במרומים במשיח׃

ולמלך עולמים לאלהים הקים לעד והנעלם מעין והחכם לבדו לו הכבוד וההדר לעולמי עולמים אמן׃

קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות׃

זכר חסדו ואמונתו לבית ישראל ראו כל אפסי ארץ את ישועת אלהינו׃

כי טוב יהוה לעולם חסדו ועד דר ודר אמונתו׃

תתן אמת ליעקב חסד לאברהם אשר נשבעת לאבתינו מימי קדם׃

כי התורה נתנה ביד משה והחסד והאמת באו על ידי ישוע המשיח׃

ואקד ואשתחוה ליהוה ואברך את יהוה אלהי אדני אברהם אשר הנחני בדרך אמת לקחת את בת אחי אדני לבנו׃

בכל דרכיך דעהו והוא יישר ארחתיך׃

בדרך חכמה הרתיך הדרכתיך במעגלי ישר׃

החזק במוסר אל תרף נצרה כי היא חייך׃

בארח צדקה אהלך בתוך נתיבות משפט׃

כי אל ארצי ואל מולדתי תלך ולקחת אשה לבני ליצחק׃

ויאמר אברם אל לוט אל נא תהי מריבה ביני וביניך ובין רעי ובין רעיך כי אנשים אחים אנחנו׃

ויהי בימים ההם ויגדל משה ויצא אל אחיו וירא בסבלתם וירא איש מצרי מכה איש עברי מאחיו׃

ויצא ביום השני והנה שני אנשים עברים נצים ויאמר לרשע למה תכה רעך׃