הנה אנכי נצב על עין המים והיה העלמה היצאת לשאב ואמרתי אליה השקיני נא מעט מים מכדך׃

גול על יהוה דרכך ובטח עליו והוא יעשה׃

בכל דרכיך דעהו והוא יישר ארחתיך׃

ויברך הגמלים מחוץ לעיר אל באר המים לעת ערב לעת צאת השאבת׃

עודנו מדבר עמם ורחל באה עם הצאן אשר לאביה כי רעה הוא׃

ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃

ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן׃

מקול מחצצים בין משאבים שם יתנו צדקות יהוה צדקת פרזנו בישראל אז ירדו לשערים עם יהוה׃

המה עלים במעלה העיר והמה מצאו נערות יצאות לשאב מים ויאמרו להן היש בזה הראה׃

ותבא אשה משמרון לשאב מים ויאמר אליה ישוע תני נא לי לשתות׃