ויאמר אל תשלח ידך אל הנער ואל תעש לו מאומה כי עתה ידעתי כי ירא אלהים אתה ולא חשכת את בנך את יחידך ממני׃

ויאמר אלהם יוסף ביום השלישי זאת עשו וחיו את האלהים אני ירא׃

והפחות הראשנים אשר לפני הכבידו על העם ויקחו מהם בלחם ויין אחר כסף שקלים ארבעים גם נעריהם שלטו על העם ואני לא עשיתי כן מפני יראת אלהים׃

איש היה בארץ עוץ איוב שמו והיה האיש ההוא תם וישר וירא אלהים וסר מרע׃

ויאמר לאדם הן יראת אדני היא חכמה וסור מרע בינה׃

הלא ידעו כל פעלי און אכלי עמי אכלו לחם יהוה לא קראו׃

למנצח לעבד יהוה לדוד נאם פשע לרשע בקרב לבי אין פחד אלהים לנגד עיניו׃

דברי פיו און ומרמה חדל להשכיל להיטיב׃

יראת יהוה ראשית דעת חכמה ומוסר אוילים בזו׃

אז תבין יראת יהוה ודעת אלהים תמצא׃

יראת יהוה שנאת רע גאה וגאון ודרך רע ופי תהפכות שנאתי׃

בחסד ואמת יכפר עון וביראת יהוה סור מרע׃

אין פחד אלהים לנגד עיניהם׃

והיה כי יראו אתך המצרים ואמרו אשתו זאת והרגו אתי ואתך יחיו׃

וישאלו אנשי המקום לאשתו ויאמר אחתי הוא כי ירא לאמר אשתי פן יהרגני אנשי המקום על רבקה כי טובת מראה היא׃