ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב׃

מצמיח חציר לבהמה ועשב לעבדת האדם להוציא לחם מן הארץ׃

הנתן מטר על פני ארץ ושלח מים על פני חוצות׃

להמטיר על ארץ לא איש מדבר לא אדם בו׃

היש למטר אב או מי הוליד אגלי טל׃

פקדת הארץ ותשקקה רבת תעשרנה פלג אלהים מלא מים תכין דגנם כי כן תכינה׃

עטרת שנת טובתך ומעגליך ירעפון דשן׃

מעלה נשאים מקצה הארץ ברקים למטר עשה מוצא רוח מאוצרותיו׃

היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך כי אתה עשית את כל אלה׃

למען תהיו בנים לאביכם שבשמים אשר הוא מזריח שמשו לרעים ולטובים וממטיר על הצדיקים וגם על הרשעים׃

כי האדמה השותה את הגשם הירד עליה למכביר ומוציאה עשב טוב לעבדיה תשא ברכה מאת האלהים׃

וישלחהו יהוה אלהים מגן עדן לעבד את האדמה אשר לקח משם׃

ותסף ללדת את אחיו את הבל ויהי הבל רעה צאן וקין היה עבד אדמה׃

כי תעבד את האדמה לא תסף תת כחה לך נע ונד תהיה בארץ׃