Génèse 16:11
ויאמר לה מלאך יהוה הנך הרה וילדת בן וקראת שמו ישמעאל כי שמע יהוה אל עניך׃
Génèse 25:12
ואלה תלדת ישמעאל בן אברהם אשר ילדה הגר המצרית שפחת שרה לאברהם׃
1 Chroniques 1:28
בני אברהם יצחק וישמעאל׃
Galates 4:22
כי כתוב שהיו לאברהם שני בנים האחד מן האמה והשני מן החפשיה׃
Galates 4:23
ואשר לאמה הוא נולד לפי הבשר ואשר לחפשיה על פי ההבטחה׃
Génèse 17:18
ויאמר אברהם אל האלהים לו ישמעאל יחיה לפניך׃
Génèse 17:20
ולישמעאל שמעתיך הנה ברכתי אתו והפריתי אתו והרביתי אתו במאד מאד שנים עשר נשיאם יוליד ונתתיו לגוי גדול׃
Génèse 17:25
וישמעאל בנו בן שלש עשרה שנה בהמלו את בשר ערלתו׃
Génèse 17:26
בעצם היום הזה נמול אברהם וישמעאל בנו׃
Génèse 21:9-21
9
ותרא שרה את בן הגר המצרית אשר ילדה לאברהם מצחק׃
10
ותאמר לאברהם גרש האמה הזאת ואת בנה כי לא יירש בן האמה הזאת עם בני עם יצחק׃
11
וירע הדבר מאד בעיני אברהם על אודת בנו׃
12
ויאמר אלהים אל אברהם אל ירע בעיניך על הנער ועל אמתך כל אשר תאמר אליך שרה שמע בקלה כי ביצחק יקרא לך זרע׃
13
וגם את בן האמה לגוי אשימנו כי זרעך הוא׃
14
וישכם אברהם בבקר ויקח לחם וחמת מים ויתן אל הגר שם על שכמה ואת הילד וישלחה ותלך ותתע במדבר באר שבע׃
15
ויכלו המים מן החמת ותשלך את הילד תחת אחד השיחם׃
16
ותלך ותשב לה מנגד הרחק כמטחוי קשת כי אמרה אל אראה במות הילד ותשב מנגד ותשא את קלה ותבך׃
17
וישמע אלהים את קול הנער ויקרא מלאך אלהים אל הגר מן השמים ויאמר לה מה לך הגר אל תיראי כי שמע אלהים אל קול הנער באשר הוא שם׃
18
קומי שאי את הנער והחזיקי את ידך בו כי לגוי גדול אשימנו׃
19
ויפקח אלהים את עיניה ותרא באר מים ותלך ותמלא את החמת מים ותשק את הנער׃
20
ויהי אלהים את הנער ויגדל וישב במדבר ויהי רבה קשת׃
21
וישב במדבר פארן ותקח לו אמו אשה מארץ מצרים׃
Génèse 25:9
ויקברו אתו יצחק וישמעאל בניו אל מערת המכפלה אל שדה עפרן בן צחר החתי אשר על פני ממרא׃
Génèse 25:12
ואלה תלדת ישמעאל בן אברהם אשר ילדה הגר המצרית שפחת שרה לאברהם׃
Génèse 28:9
וילך עשו אל ישמעאל ויקח את מחלת בת ישמעאל בן אברהם אחות נביות על נשיו לו לאשה׃
Génèse 37:27
לכו ונמכרנו לישמעאלים וידנו אל תהי בו כי אחינו בשרנו הוא וישמעו אחיו׃