וישב עשו בהר שעיר עשו הוא אדום׃

אלה בני שעיר החרי ישבי הארץ לוטן ושובל וצבעון וענה׃

ויהיו בני לוטן חרי והימם ואחות לוטן תמנע׃

ואלה בני צבעון ואיה וענה הוא ענה אשר מצא את הימם במדבר ברעתו את החמרים לצבעון אביו׃

ואלה בני דישן חמדן ואשבן ויתרן וכרן׃

אלה בני דישן עוץ וארן׃

אלוף דשן אלוף אצר אלוף דישן אלה אלופי החרי לאלפיהם בארץ שעיר׃

ובשעיר ישבו החרים לפנים ובני עשו יירשום וישמידום מפניהם וישבו תחתם כאשר עשה ישראל לארץ ירשתו אשר נתן יהוה להם׃

כאשר עשה לבני עשו הישבים בשעיר אשר השמיד את החרי מפניהם ויירשם וישבו תחתם עד היום הזה׃

ובני שעיר לוטן ושובל וצבעון וענה ודישן ואצר ודישן׃

בני שובל עלין ומנחת ועיבל שפי ואונם ובני צבעון איה וענה׃

בני אצר בלהן וזעון יעקן בני דישון עוץ וארן׃

וימצאה מלאך יהוה על עין המים במדבר על העין בדרך שור׃

וישב במדבר פארן ותקח לו אמו אשה מארץ מצרים׃

ואחר נסעו העם מחצרות ויחנו במדבר פארן׃

וישלח אתם משה ממדבר פארן על פי יהוה כלם אנשים ראשי בני ישראל המה׃

אלוה מתימן יבוא וקדוש מהר פארן סלה כסה שמים הודו ותהלתו מלאה הארץ׃