מענה רך ישיב חמה ודבר עצב יעלה אף׃

אשרי רדפי שלום כי בני אלהים יקראו׃

כי אח רב עם אחיו וזאת לפני לא מאמינים׃

הן בכל ירידה היא לכם שתריבו זה עם זה למה לא תבחרו לסבל הונאה ולמה לא תבחרו להיות עשוקים׃

עשו כל דבר בלא תלנות ובלא מזמות׃

רדפו את השלום עם כל אדם ואת הקדשה אשר בלעדיה לא יראה איש את האדון׃

אבל החכמה אשר ממעל בראשונה צנועה היא אף אהבת שלום ומכרעת לכף זכות ואיננה עמדת על דעתה ומלאה רחמים ופרי טוב בלא לב ולב ובלי חנפה׃

ופרי הצדקה בשלום יזרע לעשי השלום׃

ואלה תולדת תרח תרח הוליד את אברם את נחור ואת הרן והרן הוליד את לוט׃

ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה׃

ויקח תרח את אברם בנו ואת לוט בן הרן בן בנו ואת שרי כלתו אשת אברם בנו ויצאו אתם מאור כשדים ללכת ארצה כנען ויבאו עד חרן וישבו שם׃

וישלח את אחיו וילכו ויאמר אלהם אל תרגזו בדרך׃

ויצא ביום השני והנה שני אנשים עברים נצים ויאמר לרשע למה תכה רעך׃

שיר המעלות לדוד הנה מה טוב ומה נעים שבת אחים גם יחד׃

ויהי ביום השני ויבא בתוכם והם נצים ויבקש לעשות שלום ביניהם לאמר אנשים אחים אתם ולמה תעשקו איש את אחיו׃

באהבת אחים הראו חבה יתרה ובכבוד הקדימו איש את רעהו׃

בכל נמיכות וענוה ובארך רוח לשאת איש את רעהו באהבה׃

ושקדו לשמר את אחדות הרוח באגדת השלום׃

ועל אהבת האחים אין צרך לכתב אליכם הלא אף אתם למודי יהוה לאהבה איש את רעהו׃

אהבת האחים תעמד׃

זכו את נפשתיכם על ידי הרוח בשמעכם בקול האמת לאהבת אחים בלא חנפה ואהבתם איש את רעהו אהבה חזקה בלב טהור׃

נהגו כבוד בכל איש אהבו את האחים יראו את אלהים כבדו את המלך׃

וסוף דבר היו כלכם לב אחד בעלי חמלה אהבי האחים רחמנים ומתקבלים על הבריות׃

ולפני כל דבר אהבו איש את אחיו אהבה חזקה כי על רב פשעים תכסה האהבה׃

ובחסידות את האחוה ובאחוה את האהבה׃

האומר כי ישנו באור והוא שנא את אחיו עודנו בחשך׃

והשנא את אחיו בחשך הוא ובחשך יתהלך ולא ידע אנה הוא הלך כי החשך עור את עיניו׃

אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃

בזאת הכרנו את האהבה כי הוא נתן את נפשו בעדנו גם אנחנו חיבים לתת את נפשתינו בעד אחינו׃

בני אל נא נאהב במלין ובלשון כי אם בפעל ובאמת׃

אהובי נאהב נא איש את רעהו כי האהבה מאלהים היא וכל אשר יאהב נולד מאלהים וידע את האלהים׃

כי יאמר איש אהב אני את האלהים והוא שנא את אחיו כזב הוא כי אשר לא יאהב את אחיו אשר הוא ראה איככה יוכל לאהב את האלהים אשר איננו ראה אתו׃

וזאת המצוה יש לנו מאתו כי האהב את האלהים יאהב גם את אחיו׃