נטה צפון על תהו תלה ארץ על בלי מה׃

חק חג על פני מים עד תכלית אור עם חשך׃

ויסך בדלתים ים בגיחו מרחם יצא׃

ואשבר עליו חקי ואשים בריח ודלתים׃

לדוד מזמור ליהוה הארץ ומלואה תבל וישבי בה׃

כי הוא על ימים יסדה ועל נהרות יכוננה׃

כנס כנד מי הים נתן באצרות תהומות׃

אשר לו הים והוא עשהו ויבשת ידיו יצרו׃

המקרה במים עליותיו השם עבים רכובו המהלך על כנפי רוח׃

יסד ארץ על מכוניה בל תמוט עולם ועד׃

מן גערתך ינוסון מן קול רעמך יחפזון׃

גבול שמת בל יעברון בל ישובון לכסות הארץ׃

לעשה השמים בתבונה כי לעולם חסדו׃

לרקע הארץ על המים כי לעולם חסדו׃

באמצו שחקים ממעל בעזוז עינות תהום׃

בשומו לים חקו ומים לא יעברו פיו בחוקו מוסדי ארץ׃

כל הנחלים הלכים אל הים והים איננו מלא אל מקום שהנחלים הלכים שם הם שבים ללכת׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

ויאמר אליהם עברי אנכי ואת יהוה אלהי השמים אני ירא אשר עשה את הים ואת היבשה׃

ונסתר מהם באשר לא יאבו לדעת כי מקדם קמו השמים והארץ בדבר אלהים מן המים ועל ידי המים׃

וישבע בחי עולמי העולמים אשר ברא את השמים וכל אשר בהם והארץ וכל אשר בה והים וכל אשר בו כי לא יהיה עוד זמן׃