כל רמש אשר הוא חי לכם יהיה לאכלה כירק עשב נתתי לכם את כל׃

התצוד ללביא טרף וחית כפירים תמלא׃

מי יכין לערב צידו כי ילדו אל אל ישועו יתעו לבלי אכל׃

יחלמו בניהם ירבו בבר יצאו ולא שבו למו׃

יתור הרים מרעהו ואחר כל ירוק ידרוש׃

ואפרחו יעלעו דם ובאשר חללים שם הוא׃

הנה נא בהמות אשר עשיתי עמך חציר כבקר יאכל׃

כי בול הרים ישאו לו וכל חית השדה ישחקו שם׃

מצמיח חציר לבהמה ועשב לעבדת האדם להוציא לחם מן הארץ׃

עיני כל אליך ישברו ואתה נותן להם את אכלם בעתו׃

פותח את ידך ומשביע לכל חי רצון׃

נותן לבהמה לחמה לבני ערב אשר יקראו׃