בדבר יהוה שמים נעשו וברוח פיו כל צבאם׃

כי הוא אמר ויהי הוא צוה ויעמד׃

יהללו את שם יהוה כי הוא צוה ונבראו׃

וישלח ישוע את ידו ויגע בו ויאמר חפץ אנכי טהר ומיד נרפאה צרעתו׃

ויהי ככלותו לדבר ויקרא בקול גדול לעזר קום צא׃

הן פרש עליו אורו ושרשי הים כסה׃

אי זה הדרך ישכן אור וחשך אי זה מקמו׃

אור זרע לצדיק ולישרי לב שמחה׃

עטה אור כשלמה נוטה שמים כיריעה׃

אל יהוה ויאר לנו אסרו חג בעבתים עד קרנות המזבח׃

יוצר אור ובורא חשך עשה שלום ובורא רע אני יהוה עשה כל אלה׃

לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃

והאור בחשך זרח והחשך לא השיגו׃

האור האמתי המאיר לכל אדם היה בא אל העולם׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

כי מלפנים הייתם חשך ועתה הנכם אור באדנינו התהלכו נא כבני אור׃

על כן הוא אומר עורה הישן וקומה מן המתים ויאר לך המשיח׃

אשר הוא לבדו חי וקים והוא הדר באור נשגב ואיש לא ראהו ולא יוכל לראונו ולו הכבוד וגבורת עולמים אמן׃

וזאת היא השמועה אשר שמענו ממנו ונגד לכם כי האלהים אור הוא וכל חשך אין בו׃

ועוד מצוה חדשה אני כתב לכם אשר היא אמת גם בו גם בכם כי החשך עבר והאור האמתי כבר זורח׃