ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם אשר חלק יהוה אלהיך אתם לכל העמים תחת כל השמים׃

היש מספר לגדודיו ועל מי לא יקום אורהו׃

הן עד ירח ולא יאהיל וכוכבים לא זכו בעיניו׃

המימיך צוית בקר ידעתה שחר מקמו׃

תתהפך כחמר חותם ויתיצבו כמו לבוש׃

כי אראה שמיך מעשי אצבעתיך ירח וכוכבים אשר כוננתה׃

מה אנוש כי תזכרנו ובן אדם כי תפקדנו׃

למנצח מזמור לדוד השמים מספרים כבוד אל ומעשה ידיו מגיד הרקיע׃

אין אמר ואין דברים בלי נשמע קולם׃

והוא כחתן יצא מחפתו ישיש כגבור לרוץ ארח׃

לך יום אף לך לילה אתה הכינות מאור ושמש׃

אתה הצבת כל גבולות ארץ קיץ וחרף אתה יצרתם׃

עשה ירח למועדים שמש ידע מבואו׃

תשת חשך ויהי לילה בו תרמש כל חיתו יער׃

למשפטיך עמדו היום כי הכל עבדיך׃

לעשה אורים גדלים כי לעולם חסדו׃

את הירח וכוכבים לממשלות בלילה כי לעולם חסדו׃

הללוהו שמש וירח הללוהו כל כוכבי אור׃

ויעמידם לעד לעולם חק נתן ולא יעבור׃

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃

כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃

כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃

כה אמר יהוה אם לא בריתי יומם ולילה חקות שמים וארץ לא שמתי׃

עד כל ימי הארץ זרע וקציר וקר וחם וקיץ וחרף ויום ולילה לא ישבתו׃

את קשתי נתתי בענן והיתה לאות ברית ביני ובין הארץ׃

יחשכו כוכבי נשפו יקו לאור ואין ואל יראה בעפעפי שחר׃

התקשר מעדנות כימה או משכות כסיל תפתח׃

התציא מזרות בעתו ועיש על בניה תנחם׃

תקעו בחדש שופר בכסה ליום חגנו׃

וכסיתי בכבותך שמים והקדרתי את ככביהם שמש בענן אכסנו וירח לא יאיר אורו׃

כל מאורי אור בשמים אקדירם עליך ונתתי חשך על ארצך נאם אדני יהוה׃

כה אמר אדני יהוה שער החצר הפנימית הפנה קדים יהיה סגור ששת ימי המעשה וביום השבת יפתח וביום החדש יפתח׃

וביום החדש פר בן בקר תמימם וששת כבשם ואיל תמימם יהיו׃

לפניו רגזה ארץ רעשו שמים שמש וירח קדרו וכוכבים אספו נגהם׃

ונתתי מופתים בשמים ובארץ דם ואש ותימרות עשן׃

השמש יהפך לחשך והירח לדם לפני בוא יום יהוה הגדול והנורא׃

שמש וירח קדרו וכוכבים אספו נגהם׃

עשה כימה וכסיל והפך לבקר צלמות ויום לילה החשיך הקורא למי הים וישפכם על פני הארץ יהוה שמו׃

והיה ביום ההוא נאם אדני יהוה והבאתי השמש בצהרים והחשכתי לארץ ביום אור׃

איה מלך היהודים הנולד כי ראינו את כוכבו במזרח ונבא להשתחות לו׃

ויען ויאמר להם בערב תאמרו יום צח יהיה כי אדמו השמים׃

ובבקר תאמרו היום סער כי אדמו והתקדרו השמים חנפים אתם את פני השמים ידעתם לבחן ואתות העתים לא תוכלו׃

ומיד אחרי צרת הימים ההם תחשך השמש והירח לא יגיה אורו והכוכבים יפלו מן השמים וכחות השמים יתמוטטו׃

והיה בימים ההם אחרי הצרה ההיא תחשך השמש והירח לא יגיה אורו׃

והיו אתות בשמש ובירח ובכוכבים ועל הארץ מצוקה לגוים ומבוכה מהמית הים ודכיו׃

וימוגו בני האדם מאימה ומחרדת הבאות על כל הארץ כי כחות השמים יתמוטטו׃

ויחשך השמש ותקרע פרכת ההיכל לשנים קרעים׃

ונתתי מופתים בשמים ממעל ואתות בארץ מתחת דם ואש ותימרות עשן׃

השמש יהפך לחשך והירח לדם לפני בוא יום יהוה הגדול והנורא׃

וארא בפתחו את החותם הששי והנה רעש גדול היה ויקדר השמש כשק שער והירח נהפך לדם׃

והמלאך הרביעי תקע בשופר ותכה שלישית השמש ושלישית הירח ושלישית הכוכבים למען תחשך שלישיתם והיום לא יאיר שלישיתו וכן גם הלילה׃

ויפתח את באר התהום ויעל עשן מן הבאר כעשן כבשן גדול ויחשך השמש והרקיע מקיטר הבאר׃