20
וְהַיַּרְדֵּן יִגְבֹּל־אֹתוֹ לִפְאַת־קֵדְמָה זֹאת נַחֲלַת בְּנֵי בִנְיָמִן לִגְבוּלֹתֶיהָ סָבִיב לְמִשְׁפְּחֹתָם ׃
21
וְהָיוּ הֶעָרִים לְמַטֵּה בְּנֵי בִנְיָמִן לְמִשְׁפְּחוֹתֵיהֶם יְרִיחוֹ וּבֵית־חָגְלָה וְעֵמֶק קְצִיץ ׃
22
וּבֵית הָעֲרָבָה וּצְמָרַיִם וּבֵית־אֵל ׃
23
וְהָעַוִּים וְהַפָּרָה וְעָפְרָה ׃
24
וּכְפַר הָעַמֹּנִי וְהָעָפְנִי וָגָבַע עָרִים שְׁתֵּים־עֶשְׂרֵה וְחַצְרֵיהֶן ׃
25
גִּבְעוֹן וְהָרָמָה וּבְאֵרוֹת ׃
26
וְהַמִּצְפֶּה וְהַכְּפִירָה וְהַמֹּצָה ׃
27
וְרֶקֶם וְיִרְפְּאֵל וְתַרְאֲלָה ׃
28
וְצֵלַע הָאֶלֶף וְהַיְבוּסִי הִיא יְרוּשָׁלַםִ גִּבְעַת קִרְיַת עָרִים אַרְבַּע־עֶשְׂרֵה וְחַצְרֵיהֶן זֹאת נַחֲלַת בְּנֵי־בִנְיָמִן לְמִשְׁפְּחֹתָם ׃ פ