שמעו כי נגידים אדבר ומפתח שפתי מישרים׃

בצדק כל אמרי פי אין בהם נפתל ועקש׃

הלא כתבתי לך שלשום במועצות ודעת׃

להודיעך קשט אמרי אמת להשיב אמרים אמת לשלחיך׃

יערף כמטר לקחי תזל כטל אמרתי כשעירם עלי דשא וכרביבים עלי עשב׃

ישר לבי אמרי ודעת שפתי ברור מללו׃

למנצח לבני קרח מזמור שמעו זאת כל העמים האזינו כל ישבי חלד׃

פי ידבר חכמות והגות לבי תבונות׃

ויען אתם ישוע ויאמר לקחי לא שלי הוא כי אם לאשר שלחני׃

האיש החפץ לעשות רצונו ידע לקחי אם מאת אלהים הוא ואם מנפשי אדבר׃

אם תשים כזאת לפני אחיך משרת טוב תהיה לישוע המשיח מגדל בדברי האמונה ובלקח הטוב אשר דבקת אחריו׃

ומחזיק בדבר הנאמן כפי ההוראה למען יהיה בכחו להזהיר בלקח הבריא ולהוכיח את המריבים׃

ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

ואם תשובון אתם ועזבתם חקותי ומצותי אשר נתתי לפניכם והלכתם ועבדתם אלהים אחרים והשתחויתם להם׃

אם יעזבו בניו תורתי ובמשפטי לא ילכון׃

ופקדתי בשבט פשעם ובנגעים עונם׃