את האלהים לא ראה איש מעולם הבן היחיד אשר בחיק האב הוא הודיע׃

והוא צלם האלהים הנעלם ובכור כל נברא׃

ולמלך עולמים לאלהים הקים לעד והנעלם מעין והחכם לבדו לו הכבוד וההדר לעולמי עולמים אמן׃

אשר הוא לבדו חי וקים והוא הדר באור נשגב ואיש לא ראהו ולא יוכל לראונו ולו הכבוד וגבורת עולמים אמן׃

באמונה עזב את ארץ מצרים ולא ירא מחמת המלך כי היה כראה אשר איננו נראה ויתחזק׃

יען אשר דעת האלהים גלויה בקרבם כי האלהים הודיעם אותה׃

ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם אשר חלק יהוה אלהיך אתם לכל העמים תחת כל השמים׃

אם אראה אור כי יהל וירח יקר הלך׃

גם הוא עון פלילי כי כחשתי לאל ממעל׃

כי אראה שמיך מעשי אצבעתיך ירח וכוכבים אשר כוננתה׃

בדבר יהוה שמים נעשו וברוח פיו כל צבאם׃

ייראו מיהוה כל הארץ ממנו יגורו כל ישבי תבל׃

יסד ארץ על מכוניה בל תמוט עולם ועד׃

יהי כבוד יהוה לעולם ישמח יהוה במעשיו׃

לדר ודר אמונתך כוננת ארץ ותעמד׃

כי אתה קנית כליתי תסכני בבטן אמי׃

אש וברד שלג וקיטור רוח סערה עשה דברו׃

החיה וכל בהמה רמש וצפור כנף׃

בחורים וגם בתולות זקנים עם נערים׃

למען תהיו בנים לאביכם שבשמים אשר הוא מזריח שמשו לרעים ולטובים וממטיר על הצדיקים וגם על הרשעים׃

ועתה נתפרסם ונודע על ידי כתבי הנביאים כמצות אלהי עולם לכל הגוים להביאם למשמעת האמונה׃

ויטע אשל בבאר שבע ויקרא שם בשם יהוה אל עולם׃

מענה אלהי קדם ומתחת זרעת עולם ויגרש מפניך אויב ויאמר השמד׃

בטרם הרים ילדו ותחולל ארץ ותבל ומעולם עד עולם אתה אל׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

בטחו ביהוה עדי עד כי ביה יהוה צור עולמים׃

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃

ולמלך עולמים לאלהים הקים לעד והנעלם מעין והחכם לבדו לו הכבוד וההדר לעולמי עולמים אמן׃

אף כי דם המשיח אשר הקריב את עצמו לאלהים ברוח נצחי ובלי מום יטהר לבבכם ממעשי מות לעבד את אלהים חיים׃

והנה בהיותנו ילידי האלהים לא נכון לנו לחשב כי האלהות תדמה לזהב או לכסף או לאבן מעשה חרש ומחשבת בני אדם׃

כי בו בגופו שכן כל מלא האלהות ובו אתם נמלאים׃

לכן אין לך התנצלות אתה בן אדם הדן תהיה מי שתהיה כי במה שתדין את חברך תחיב את נפשך באשר אתה הדן תעשה כמעשהו׃

בהראותם מעשה התורה כתוב על לבם ודעתם מעידה בהם ומחשבותם בקרבם מחיבות זאת את זאת או גם מזכות׃

לולא באתי ודברתי אליהם לא היה בהם חטא ועתה לא יוכלון להתנצל על חטאתם׃

אנשים אחים ואבות שמעו נא את דברי התנצלותי אליכם׃